City Night Readings



	Tèt Mòn Lakay Ala traka pou zenglen Lapawòl antòtye Nan pwent lang Espektatè bèkèkè Si m pale M pa paladyòl Si m pale M pa divagè Sa m santi Se sa m konprann Temwayaj pa m Se flòt doulè Savann peyi m Kòd rasin mwen La m dwe fleri Tèt mòn lakay Kale bobis Ap fè tensèl Kou boul mabi Pwenn benefis Anba lavil Nan tout lari Y ap jwe toutvis Ak lenjistis Nègès isit Nègès respè Tifi dantan Nègès rara K ap kalinda Nan vèy tchatcha Pa bay banda Ak pòy siga Sizanka Nan banda Mayita ta koupi San tanga Mazanza bèl siga Ta tchatcha Pou siga San renka Piti piti Tifi ayè Bat lawouze Tout lanjelis Lonnen kako San fomezi Pou benefis Jouk lalin klè Tifi dantan Nègès respè Mache salomon M pran sant Yon afiba Si l poko kwit Li prèt pou bo Si m te konnen Dlo detounen Koupe lavi n San boujounnen Yon bwat sekrè Pou lapawòl K ap lobeye Nan kòf pèlen Si m te konnen Dans kontretan Donnen fopa An yanvalou Yon lòt mereng Yon lòt sanba Pou kandyole Doba dola Si m te konnen Malè pandye An lasini Sou tèt lavi Yon chay lapenn Sou kòf lespwa Ap godiye An chalkali Pou penitans Ladelivrans San mannigans Si jou ale Tan pa chanje Si kòk chante Lè pa rive Si nen n pran kou Je n pa kriye Si vwa n bouche Rèl nou pèdi Yon lòt kadans Yon pa pyanga Pou n pa bite Pou nou vanse N antòtye N pandye N fiziye Yon lame Lwa desounen Kalbas govi Miyèt miyèt Ganmèl la KA PO TE Konnen Sanble JOU A LA Tèt mòn lakay Kale Bobis Ap fè tensèl Kou boul mabi Si l poko kwit Li prèt pou bon. ©Jean Dany Joachim



	Designer/webmaster: Kristophe Diaz			Coordinator: Jean-Dany Joachim